娛樂
2021-12-07 16:21:00

陶大宇:冇咗音樂,個地球就真係倒轉!

分享:
Fans可網上重溫陶大宇的錄音訪問。

Fans可網上重溫陶大宇的錄音訪問。

由波盛和彬臣主持的香港電台第二台音樂節目《騷動音樂》,請來2021最受歡迎男歌手陶大宇進行電話訪問,回應近日在網上爆紅的現象,大宇哥表示十分榮幸,因為香港觀眾仍記得他及其代表作品,更感動到有點「眼濕濕」。

Fans搜羅到的陶大宇精品,包括tee、襟章及CD。

Fans搜羅到的陶大宇精品,包括tee、襟章及CD。

回應網民推舉「我最喜愛男歌手」

提到「點歌」這一大電台特色,陶大宇不禁慨嘆︰「我好多謝聽眾,點咁好嘅歌俾我聽。雖然我哋冇直接嘅傾偈或者對話,但係喺啲歌裡面,我真係可以幻想到一啲感覺。聽完歌,我都有啲感慨,就係『點歌』依兩個字,因為文明科技,好似已經失傳咗、失蹤咗同毀滅咗。大家今時今日仍然係可以『點歌』,我覺得真係要珍惜同慢慢享受。大家試幻想吓,如果依個世界真係冇咗音樂,冇咗歌,依個地球就真係倒轉㗎嘞!生活都冇意思、冇希望,所以音樂同歌係幾重要呢!」

節目主持波盛及彬臣更親自寫信,分別選播關心妍的《原諒的力量》及ANSONBEAN與麗英的《You made my day》於大氣電波送贈陶大宇,感謝他為大家帶來快樂,同時十分敬佩他以幽默大方的態度回應網民評論。

相關新聞:

網民推奪我最喜愛男歌手 陶大宇:你敢俾 我敢攞

許廷鏗想調教陶大宇唱腔

保錡模仿陶大宇唱《倒轉地球》

陶大宇話:「冇咗音樂,冇咗歌,依個地球就真係倒轉㗎嘞 !」

陶大宇話:「冇咗音樂,冇咗歌,依個地球就真係倒轉㗎嘞 !」

大宇:衷心多謝大家

對於網民笑言要推陶大宇成為本年度「我最喜愛男歌手」,他以招牌笑聲回應︰「嗱 !就係因為咁嘅成就,我更加要做一個聆聽者,我都係做返一個『我最喜愛聽音樂嘅人』會比較好啲,聽歌嘅人會比較好啲,哈哈哈 !點都好啦,我真係好多謝大家嘅,得啖笑啦。我覺得開心快樂係好重要,將來仲有好多路要我哋去行,生活上仲有好多困難要去面對、去解決,我哋一齊加油。衷心多謝大家!」

網上重溫訪問:

www.facebook.com/watch/?v=425631082379251

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受