娛樂
2022-09-07 17:02:36

Lucy鍾情MC張天賦冇變心 認錯洪嘉豪係「Tyson Lucy」

分享:
Lucy鍾情MC冇變心 認錯洪嘉豪係「Tyson Lucy」

Lucy向媽咪表示自己「細個」時認錯洪嘉豪係Tyson Yoshi。

李璨琛的4歲囡囡李元元(Lucy),近年獲媽咪梁志瑩開IG帳戶分享搞笑日常,多逾38萬網民Follow,不過早前梁志瑩竟將女兒形容為「廟街流鶯」,於網上刮起風波,LucyIG帳戶更一度被停用;事隔三星期,Lucy母女依舊活躍社交網,日前到九展Star Hall成為「Kaho x MC Frenemy Live 2022 演唱會」的座上客,到場支持偶像張天賦(MC),更獲安排坐第一行睇騷,睇得相當投入。

Lucy媽今日再分享生活影片,亦寫:「認錯咗Tyson Yoshi係洪嘉豪,唔緊要啦!老母最初都以為Tyson Yoshi係叫Tiger Yoson…」而影片中,Lucy就搞笑地跟媽咪講:「你知唔知呢?我細個呢,夜晚呢,我聽過歌呢,跟住呢,白色頭頭嗰個呢,我以為係Tyson Yoshi,原來係洪嘉豪。」當她自己笑完一輪之後,再將同一番說話重複講多次,網民就聽到LucyTyson Yoshi讀成「Tyson Lucy」。

Lucy表示已分得出Tyson Yoshi與洪嘉豪,但就被媽咪笑指聲量大到有迴音,有網民亦好奇Lucy為何在片中強調以前「細個呢」,梁志瑩就留言回答:「佢覺得自己升咗K2就係好大個。」影片兩小時已多達1萬網民讚好。

Lucy日前到九展Starhall睇「Kaho x MC Frenemy Live 2022 演唱會」。 Lucy被媽咪踢爆全程係咁問MC會唔會見到自己? Lucy媽分享的影片在兩小時後已有1萬網民讚好。 Lucy又被媽咪出賣,公開阿女忽然摸自己的搞笑一幕。 Lucy鍾情MC,出名是個「賦二代」。 洪嘉豪 Tyson Yoshi
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受