娛樂
2022-09-09 15:05:42

Sammi入戲院撐《阿媽有咗第二個》 大讚劇本圓滿又感動

分享:
Sammi昨日到戲院睇《阿媽有咗第二個》。

Sammi昨日到戲院睇《阿媽有咗第二個》。

鄭秀文(Sammi)連日來頻頻入戲院睇電影,繼日前購票入場撐好友古天樂的《明日戰記》及《緣路山旮旯》後,昨晚再買飛入場睇由毛舜筠﹑姜濤和柳應廷主演的《阿媽有咗第二個》。Sammi昨天(8日)在社交網貼出手執戲票的短片,並寫道:「揀咗睇夜晚九點半,因商場人流少啲。上星期Kearen(彭秀慧導演)邀請看她新作『阿媽有咗第二個』,但Mi剛巧那晚約咗人。兼且,我自己想『身體力行』購票入戲院,噚晩,終於睇了。劇本圓滿又感動。喜歡。」

她又表示看完後即晚給導演彭秀慧分享感受:「#阿媽有咗第二個 #演員們之間的Chemistry和演出非常有感染力 #噚晚睇完立刻詳細告訴彭導我的觀後感所以在這裏不噚氣重複多說了 #跟大家一起身體力行購票入戲院支持各電影」,彭秀慧即留言答謝Sammi支持謂:「多謝Sammi﹗﹗多謝你身體力行支持,好窩心!也謝謝你的即晚感想,未講完,快啲見面傾!」而好友甘比則留言笑謂:「Day day watch movie haha(日日都睇戲)。」

Sammi大讚劇本圓滿又感動。

Sammi大讚劇本圓滿又感動。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受